موضوع: اللي تلبس بنطلون تدخل الأحد أغسطس 29, 2010 3:54 am
السلام عليكم ورحمة الله وبركاته
شدني في كثييير من المواضيع ان الحريم امهات او بنات يلبسون البناطيل او التيشرتات عند الناس
فيه منهم تلبسه مع بلوزه طويله زي البنجابي يوصل لحد الركبه وفضفاض
هذولا خارج موضوعي
اللي باتكلم عنهم اللي يلبسون تي شرت قصير او بلوزه مغطيه المؤخره طبعا تكون هالمنطقه مغطيه وهي واقفه لكن لو انحت لولدها او بتجيب شي من الارض اكيد بتجيب العيد معه
سيكون في آخر أمتي رجال يركبون على سروج كأشباه الرحال ينزلون على أبواب المساجد نساؤهم كاسيات عاريات على رؤوسهم كأسمنة البخت العنوهن فإنهن ملعونات لو كانت وراءكم أمة من الأمم لخدم نساؤكم نساءهم كما خدمتكم نساء الأمم من قبلكم الراوي: عبدالله بن عمرو بن العاص المحدث: الهيثمي - المصدر: مجمع الزوائد - لصفحة أو الرقم: 5/140 خلاصة حكم المحدث: رجاله رجال الصحيح
مافكرتوا ايش اشباه الرحال؟ مو السيارات؟
وهذا ثاني
صنفان من أهل النار لم أرهما بعد : قوم معهم سياط كأذناب البقر يضربون بها الناس ، ونساء كاسيات عاريات ، مميلات مائلات ، رؤوسهن كأسنمة البخت المائلة ، لا يدخلن الجنة ، ولا يجدن ريحها ، وإن ريحها ليوجد من مسيرة كذا وكذا الراوي: أبو هريرة المحدث: الألباني - المصدر: صحيح الجامع - لصفحة أو الرقم: 3799 خلاصة حكم
طبعا كثيييييييييير قالوا انه المقصود فيه امام الرجال لكن انا مااشوف في الحديث شي يثبت انه امام الرجال واضح انه عاااااااااااااااااام
بالله اذا ماكنت الملابس القصيره والضيقة والبناطيل وخصوصا السكيني هي المقصود بها الكاسيات العاريات اجل وشو المقصود فيها علموني؟
واللي يقولون الشيخ الفلاني افتى والعلاني افتى !! هذي اشياء صريحه وواضحه قلبك يفتيك مو الشيخ الفلاني ولا غيره واعتقد لو اكلم هالمشايخ اللي افتوا واعلمهم الحال كيف صاير واقوله ان الفخوذ مفصله والسيقان والمؤخرة واضحه صحيح احيانا فوقها بلوزه لكن البلوزه اردى واردى ضيييقه ومفصلة المؤخرة من فوق البنطلون مايندرى يمكن يغير كلامه!
بالله اذا باعيش في هالدنيا وباصلي واصوم والبس لبس يمكن يبعدني عن الجنه بالله وش الفايده قولوا لي!!
والله قلبي يحترق على كل اللي يلبسون بناطيل مع بلايز قصيره او بلايز طويله ضيقه مفصله الجسم!!
الله المستعان!! و هذه فتوى بن عثيمين عن البنطلون ... مكتبة الفتاوى : فتاوى نور على الدرب (نصية) : النساء ابن عثيمين رحمه الله
السؤال: سؤاله الثالث يقول هل لبس المرأة البنطلون والفستان القصير أمام النساء حرام أم يجوز؟
الجواب الشيخ: نعم لا شك أن البنطلون والفستان القصير لا يحصل به ستر العورة أما الأول فلأن البنطلون على قدر العضو كل عضو له قدر مقدر فيه ومع ذلك أنه يصف أعضاء البدن أي يصف أحجامها وهذا نوع من الكشف فهي في الحقيقة كاسية عارية وأما الفستان القصير فإنه كذلك لا يحصل به ستر العورة لكن إذا كان قصيرا بحيث لا يحصل منه كشف المرأة لجسمها إلا ما يجوز كشفه للمرأة فهذا لا بأس به أمام النساء لأن المرأة يجوز لها أن تنظر من المرأة إلى ما سوى ما بين السرة والركبة فإذا كان لا يظهر منه إلا ذلك فلا حرج فيه مع النساء.
سبحان الله يمكن قبل عشر سنوات او اكثر لو تقولين لوحده البسي بنطلون قدام الناس قالت يؤؤؤ مستحيل استحي!
لكن سبحان الله اللحين ماتلاحظون ان البنات غالبيتهم مايستحون ؟ احيانا تكون حاطه رجل على رجل وفستانها اصلا لحد نص الساق لكن مع هالجلسه تلاقون الفخذ طالع ولا همها!!
انتي تسحين وهي مااستحت!!
اقروا معي
إن الحياء والإيمان قرنا جميعا فإذا رفع أحدهما ؛ رفع الآخر . الراوي: عبدالله بن عمر المحدث: الألباني - المصدر: تخريج مشكاة المصابيح - لصفحة أو الرقم: 5020 خلاصة حكم المحدث: صحيح على شرط الشيخين
ولا حظوا ان التساهل في اللبس صار شوي شوي من طويل لميدي وارتفع لحد ماصار اللي تلبس تحت الركبه ستيره الله المستعان والبنطلون صارت البلايز اللي تنلبس معه كل مالها وتقصر وتضوق !!
تدرون ليش؟ لاننا صرنا ماننكر المنكر
اصلا تعودنا عليه من كثر مانشوفه!!
والله يستر لا يصير فينا زي بني اسرائيل
( لعن الذين كفروا من بني إسرائيل على لسان داود وعيسى ابن مريم ذلك بما عصوا وكانوا يعتدون كانوا لايتناهون عن منكر فعلوه لبئس ماكانوا يفعلون ترى كثيرا منهم يتولون الذين كفروا لبئس ماقدمت لهم أنفسهم )
الان الزواجات مليانه عري والملاهي والله الواحد صار يخاف يروح يخسف به بسببهم
الله يصلح الحال بس
اللهم يامقلب القلوب والابصار ثبت قلبي على دينك الثابت